فايروس هجرك عطل القلب تعطيـل
ودمر ملفات الفـرح فـي حياتـي
ياللي سكنت القلب من دون تحميـل
متـى لموقعي تشـرفي وتـأتـي
عنوانك ماهـو (ياهـو ولا هوتميـل)
عنوانكـ روحـي وقلبـي وذاتـي
كم مرةٍ أرسلـتلـك عبر"الإيميـل"
وأدورلك فـي "منتـداي وشـاتـي"
وأرسلتلك يازين فايل ورى فايل
فيها الغلا والحـب يا أغـلا أمنياتـي
وأرسلتلك قصة عذابي مع السيريال
ياللي غيابك هـو سبايـب شقاتـي
دايم عليك أبحـث بياهـو و قوقيـل
وأنـت ولا تسـألي علي بتـاتـي
خابرك بنتيوم فـور أصلـي و أنتيـل
لكن خسـارة غيـروك الوشاتـي
وكان الهكر غروك بالقـال والقيـل
بأدعي عليهم في سجودي وصلاتي
ياجعلهـم بقعـاء وطيـرٍ أبابـيـل
ترمي عليهم بأمـر ربـي حصاتـي
يرضيك من حبك غديت منهك الحيـل
ريقي غدى ناشف ويبسـت شفاتـي
أقضي الليالي دمع عينـي هم اليـل
يامن طريتيلـي تـبـددي مبـاتـي
صحـراي جفـت و ورودي صارت دبيل
وأنت المزيونه اللـي تـروّي نباتـي
وياشين حالي لا قريـتي المراسيـل
في الأوت لوك أذكر قصص ماضياتي
منك حزين الحرف شـاف البهاذيـل
وقلبك مثل قرصٍ صلب في القساتي
موقعك في وجهـي مقفـل بتقفيـل
حتى"البروكسي" مانفـع وش سويتـي
بمفضلـة قلبـي عطينتك تفضيـل
أنـت المفضـل عندي ياغنـاتـي
ويازين هجرك عطل القلب تعطيـل
ومن غير شوفك وش تساوي حياتي
كني بدونك قرص فـارغ ولا فيـل
فاسـد ومرمـي بسلـة المهملاتـي
ماعدت أفرق بين اكسيز و أكسيـل
وماعدت أفرق بيـن بالتوكي وشاتـي
وباشكي على "الكيبورد" كثر الغرابيل
وأكتب على الوورد المطور وصاتي
وهذي النهاية حطيها وسـط تظليـل
لا مـت فغيابـك أنت سبايـب مماتـي
Home 
