اقدم كلمات اغنية ست الحبايب لكل الامهات
ست الحبايب يا حبيبة
يا اغلى من روحي ودمي
يا حنينة وكل طيبة
يا رب يخليكي يا امي
يا ست الحبايب يا حبيبة
...يا حبيبة ...يا حبيبة...وحبيبة
زمان..زمان سهرتي وتعبتي
وشلتي من عمري ليالي
ولسه بردو دلوقتي بتحملي الهم بدالي
انام و تسهري
وتباتي تفكري
وتصحي من الادان وتيجي تشقري
يا رب يخليكي يا امي
يا ست الحبايب يا حبيبة
...حبيبة ...حبيبة ..وحبيبة
تعيشي ليا يا حبيبتي يا امي
ويدوم لي رضاكي
ده انا روحي في روحك انتي
وعايشة من سر دعاكي
بتحسي بفرحتي
قبل الهنا بسنة
وتحسي بشكوتي
من قبل ما احس انا
يا رب يخليكي يا امي
يا ست الحبايب يا حبيبة
...يا حبيبة ...يا حبيبة ...وحبيبة
لو عشت طول عمري اوفي جمايلك الغالية عليا
اجيب منين عمري يكفي والاقي فين اغلى هدية
نور عيني ومهجتي
حياتي ودنيتي
لو ترضي تقبليهم دول هم هديتي
يا رب يخليكي يا امي ...ست الحبايب يا حبيبة
...يا حبيبة ...يا حبيبة...وحبيبة
Home 
