عذاب في عذاب
عايش عذاب في عذاب أحس كل شي في الدنيا صار يعذبني
البسمه و الفرحه عندي مثل الأغراب
ماتت أحاسيسي وشعـر راسي شاب
وأنيـن صوتي انحرق و صار يحرقني
انطفت شموعي وجليد شوقـي ذاب
أذوب كل لحظه ومافي من يذوبني
عايش حياتي وأنـا والعذاب أصحاب
أسهر ليلي و ظلامه عايش في حضني
وهـم في وهم وعـذاب في عذاب
ليه أنا مالي غير الجـرح والهم أحباب
حتى الجرح تعب و مايقدر يتحملني
عايش حياتي وأنـا و الجروح أنساب
والجرح مالقى مكان عشان يجرحني
أنا كيف أصبر ومقفلـه كل الأبواب
حتى الصبر مل مني وماقدر يصبرني
أسهر الليـل و حتى القمر عنه غاب
الحظ ما يعرفني ولا أذكر انـه صاب
من يوم انولدت و الشقـا يعرفني
الفرح يكرهني ولا أعـرف الأسباب
أبكي والدمعه تفـرح يوم تتركني
عايش عذاب في عذاب
حتى كل شي في الدنيا صار يعذبني
عايش عذاب في عذاب
Home 
