فتحت عيني على الدنيا وانا اعشقه،
وكبرت اغني فيه بصوت عالي في الاماكن اطلقه،
كان اسمه اول كلمه كتبتها
وكان حضنه اول منزل اسكنه
وهو اول شخص يسكنني ويملك خفوقي بمطلقه
وعشت انا فيه ومعه
وكبرت وكبر حبي ما اشغلتني المعمعه
في وسط ريف سبحان ربي مبدعه
هذا الرجل هو ابي او بالاصح كنت اسميه (بابا)
وآآآآه يابابا
ليتك ماجبت لي من سوق النساء ام جديده
ماكنت ادري منهي امي والا وشهي كلمة ام
كنت لي اب وام
كانت كل كلماتك باذني حاضر ياسمسم وسم
واعترف كانت هالجديده
فعلا جديده
اكلها طعمه جيد وعلى لساني جديد
صوتها شكلها كلها في كلها انسانه موبس جديده
إلا حلوه وبعد جابت لنا نونو جديد
صرت احس انك سعيد
فيها وفي النونو وبعدين .....
صرت اسعد فيها وفي عيالها وانا تركتوني بعيد
وتغيرت امي الجديده
صارت قدام عينك تناديني يالبعيده
وانت تقول اسمعي يابنت لكلام عيده
وضاع اسمي
مابين البعيده........وعيده
واصبحت للخدمه وبس
ملابسي قديمهم وهم لهم كسوه جديده
اكلي انا من بعدهم وهم لهم راس الزويده
وانام انا ع الارض
لحافي اي شي .....اي شي
وتحت راسي اطوي بس كم جريده
وكبرت انا يابوي وانت تشوف حزني
وانت ساكت
وانا وآآه يا انا صح انا بينكم
وفي موطني بس لكن
كنت احس اني غريبه اني وحيده
والحين يابوي زوجتني
بانسان يشبه جروحي منك
صوته كنه قسوتك
حتى حنانه اللي يفكر ان حنان الله يا الله ياكم اشبهه في كذبتك
بس لازم اصبر عشان
ما ارجع اعيشك مثل زمان
جرح غيرك ولاجرحك يبه
لانك بتبقى يابوي اعز انسان
Home 
