طلبتك يا زمن.. وقف قبل مـا تنهـي.. أيامـي
بعيش اللي بقى من عمري ترى باقي أمل فينـي
عدمت الفرحة في عيني و بعد ناوي على إعدامي
حرام تسوي كل هذا ترى اللـي ..فينـي يكفينـي
أشوف و ما أشوف.. إلا عذاب.. بداخلي حامـي
يجـي أحيـان.. يخلينـي بغيبوبـة ..و ينهينـي
أبي مره ..و لو مره أشـوف الفرحـة.. قدامـي
و لكن وينها الفرحـة أمـوت ..و مـا تعزينـي
قضى عمري واناأعطي غيري بالفرحة وانا ضامي
أفرحهم وأجاملهم وانـا بحـر.. الحـزن فينـي
كبيرة حيل طعناتي و كبيرة ارماحـي و اسهامـي
أطيح و رافـع ٍ إيـدي.. أبـي أحـد.. ٍ يقوينـي
أبي أي شخص يفهمني.. و يواسي جرحي الدامي
أجي كل يوم متضايق.. و أبـي مـن يواسينـي
أجي بك يا زمن أركض.. أسابق خطـوة أقدامـي
و مصيبة يوم انا جيتك مـن الأحـزان تسقينـي
وصلتك يا زمن ميت أبي.. تجمع لـي احطامـي
وصل لرحمتك.. و أنت.. و ضميـرك لا تخلينـي
و ربي قمت.. احس إن الألـم.. يفـرح بآلامـي
و حتى أصابعي.. بيدي تسـاوت عنـدي بعينـي
Home 
