1 وحدة طفشانة وزهقانة تدخل الشات باسم جذاب وتستهبل في الدردشة العامة وتجيها طلبات كثيرة على الدردشة الخاصة تقبل واحد من الشباب يتكلمون يدردشون كل واحد يظهر للثاني احلى ماعنده يتقابلون ثاني يوم تخرج اللي في قلبها من مش له وهو يغرقها بحنانه وعواطفه
2
يتقابلون ثاني اسبوع ويعرض عليها المسنجر توافق صار الكلام بينهم اكثر حرارة وعاطفة
3
بعد شهور من التعود والادمان يطلب منها تشبك الكاميرا ترفض يقول ليش ؟ أنتي تشكين فيني تقول لا لكن مااقدر يجلس يقنهعا لين توافق .. وبتوافق في الاخير لانها هي ودها تشوفه ويشوفها واذا ماوافقت يقول لها اوكي .. يمكن هالمسنجر يكون آخر لقاء بيني وبينك تنجن .. ماتقدر تستغني عنه ..لانه بالنسبة لها مثل الهواء والماء توافق تشبك الكاميرا تعجب فيه ويعجب فيها بعد كم اسبوع من الكلام الفاضي..الذي يمطره ذلك الذئب عليها وتخلع ثوب الحياء
الحين صارلهم ست شهور من تعارفهم يطلب منها انه يشوفها برغم انه بمدينة وهي بمدينة ثانية وبعد الاقناع والترغيب والترهيب .. توافق انه يشوفها بالسوق يشوفها ويعجب بجمالها ويتغزل فيها بعد كم اسبوع يطلب يشوفها بسيارته بعد الاقناع توافق
5 وبعدها تبكي تصيح تعرض عليه الزواج يقول انا متزوج تقول له حرام عليك ماتخاف من الله يقول لها وانتي ماخفتي من الله يوم طلعتي معاي تروح بيتها وهي فاقدة اغلى شي في انوثتها وهو يروح يبحث عن ضحية ثانية
6
وفي بعض الذئاب اذا عجبته الضحية يمثل انه موافق على الزواج ويوعدها ويمنيها ويستمرون في المكالمات ودخول المسنجر وبعد كم اسبوع يقول نتقابل ترفض يقول .. انتي تشكين اني باتزوجك تضطر تقول لا ما اشك
يقول خلاص هي كلها كم شهر اجمع المهر واجهز الشقة واخذك بس الحين لازم نتقابل ترفض يزعل تخاف من زعله وهروبه توافق يتقابلون ويحصل نفس السيناريو وتمر الشهور والسنين وهو يماطل وهي تخاف تزعله
7 وتستمر القصص بنفس الاحداث ونفس الشخصيات
وقـــفـــات
الوقفة الاولى
{يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ } كل وحدة من البنات اللي مشوا بهالطريق ماكانوا يتصورون انهم بيوصلون لهالنهاية المأساوية كان الموضوع كله استهبال وتضييع وقت لكنهم مايدرون انها .. خطوات كل خطوة توصل للخطوة اللي بعدها
الوقفة الثانية
فيه فئة من الشباب اللي في الشات .. صيادين وذئاب يملك الكثير منالمقومات اللي تغري البنات مثل الشكل الرزة والوسامة والثقافة وخفة الدم والكلام الحلو والمال والمعرفة الكاملة بالأساليب الشيطانية
ويداومون يوميا بأسماء مختلفة في الشات وكل مادخلت بنت باسم مغري وجذاب طلبوها على الدردشة الخاصة ونصبوا شباكهم حولها ويجمعون عشرات البنات ويحطون في بالهم انهم على الاقل بينجحون مع اربع منهم كل وحدة يطلعون ويوسعون صدرهم معاها في نهاية الاسبوع ويتركونها
وياخذ الثانية في الاسبوع اللي بعده والبنت ماتقدر تشتكي لانها هي احد الاسباب لان الشاب مااختطفها ولا اغتصبها والشهر اللي بعده يشوفون صيدات ثانية ويبقى الشباب مثل ماهم .. بدون اخلاق ولا دين وتبقى البنت مثل ماهي .. غااافله
الوقفة الثالثة
الى الاخت المتمسكة بحبيبها ...باسم الحب..!!!
احب اقولها ترى اسمك في الشرع هو .. زانية .. واسمه في الشرع هو .. زاني فإن العين تزني....والسمع يزني..
الوقفة الرابعة يقول عز وجل : {.. وَلَا يَزْنُونَ وَمَن يَفْعَلْ ذَلِكَ يَلْقَ أَثَامًا . يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا} وفي البخاري : قال صلى الله عليه وسلم : [ .. فقال لي الملكان : انطلق انطلق فانطلقنا ، فأتينا على مثل التنور ، فإذا فيه لغط وأصوات قال فاطلعنا فيه فإذا فيه رجال ونساء عراة وإذا هم يأتيهم لهب من أسفل منهم فإذا أتاهم ذلك اللهب ضوضوا قال قلت لهما ما هؤلاء ؟ فقالا هؤلاء .. الزناة والزواني ]
أسألك بالله
هل تسوى الحياة التي لقيتي وتعرفتي إليه فيها.. هل تسوى انك لأجلها يضاعف لك العذاب يوم القيامة وتلقين الاهانة في الاخرة
انتبهــــــــــــي
قولي لنفسك .. بسسسسسسس .. يكككككفي ... خلالالالالالالاص لن امشي الخطوة اللي بعدها قولي لنفسك خلالالالالاص .. هذا آخر عهدي بالحرام
الوقفة الخامسة
لو تبتي الى الله توبة نصوح صادقة خالصة لله وندمتي على كل لحظة عشتيها في الحرام وعاهدتي نفسك ماترجعين لهالطريق ابد وكان الموت عندك اهون من الرجوع للحرام فابشري بقبول التوبة .. وتبديل سيئاتك كلها حسنات بأذن الله {إِلَّا مَن تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَّحِيمًا} وكلنا اصحاب خطأ وقديما عصى آدم عليه السلام مع انه ابو الانبياء لكنه تاب عليه السلام واجتباه عزوجل قال تعالى : { وَعَصَى آدَمُ رَبَّهُ فَغَوَى} {ثُمَّ اجْتَبَاهُ رَبُّهُ فَتَابَ عَلَيْهِ وَهَدَى} وتعرفين قصة اللي قتل مئة شخص وتاب فغفر الله له وحصل في عهد الرسول صلى الله عليه وسلم بعض الكبائر مثل شرب الخمر والزنا وتعلمي من هذه الصحابية التائبة الطاهرة التي تابت من الزنا فقبل الله توبتها في صحيح مسلم عن عمران بن حصين : أن امرأة من جهينة أتت نبي الله صلى الله عليه وسلم وهي حبلى من الزنى فقالت يا نبي الله أصبت حدا فأقمه علي فدعا نبي الله صلى الله عليه وسلم وليها فقال ( أحسن إليها فإذا وضعت فائتني بها ) ففعل فأمر بها نبي الله صلى الله عليه وسلم فشكت عليها ثيابها ثم أمر بها فرجمت ثم صلى عليها فقال له عمر تصلي عليها يا نبي الله وقد زنت ؟ فقال ( لقد تابت توبة لو قسمت بين سبعين من أهل المدينة لوسعتهم )
الوقفة السادسة نفسك .. اذا ماشغلتيها بالخير .. بتشغلك بالشر اشغلي نفسك بأي شي ينفع جسمك وروحك ومن الاشياء اللي تشغل الجسم .. المشي والرياضة .. لانها تشيل كل التوتر اللي باجسامنا ومن الاشياء اللي تشغل الروح .. التسجيل في اي دار للقران الكريم وحضور دروس الخير ووضع جدول لك تتنفسين فيه الهواء النظيف ومابتلقين الهواء النظيف بأي مكان فيه معصية بالعكس بيزداد قلبك ضيق ..وبتزداد نفسك هم
Home 
له
