علمتــــني
علمتني في غيبتك معنى الصدود = فوق الظروف وما تخيلت الــــــبعاد
علمتني وشلون اشتاق لك زود = ومن كثر شوقي لك على الموت ورّاد
يا نجدي اللي من عرفنا بها جدود = ما لذ لي عيش(ن) ولا طاب مرقاد
تغوص في نفسي طموحات وعقود = يغتابها وجهي اذا الــــــغير نشّاد
وتحدني عوج الليالي عن الفود = واصبر لها مـــــثل الفلاحي بلا زاد
سعاد انا محتاج من عدة عقود = صدرك وجود(ن) لي وضمتك مـــيلاد
يا سيدة عصري تملكني الكود = عقبك حـــياتي للــــــحزن ظل مـــنقاد
ودي اكون الطير وعيونك حدود = ماكان تمنـــــعني مــــسافات وبلاد
مير الزمان اللي ولد حلم موؤود = كن الهبايب تـــصطفق به والاذواد
علمتني وشعاد والحزن مقدود = والصدر خاوي من الــــــحب وشعاد
Home 
