السلام عليكم ورحمة الله وبركاته
اترككم مع قصيدة من ابداعات الشاعر المبدع خالد المحسن
واتمنى انها تحوز على رضاكم
وهي بعنوان : كاسب اعجابك..
يا صاحبي قمت أجر الصوت بغيابك
وأسوق الأعذار عنك وأنت ناسينـي
أفك باب الوصل وتصـك لـي بابـك
ماكـان هـذا العشـم إنـك تخلينـي
يا ليت شـوقٍ بقلبـي يـوم ينتابـك
عشان تعرف غلاك شلـون يعنينـي
أشتقت لمعانـدك وأشتقـت لعتابـك
وأشتقت لأيديك يوم تصافـح يدينـي
أمزح معك يوم كنت أوتـر أعصابـك
أثري جرحت الخفوق بحـد سكينـي
حتى خذاك الزعـل منـي ولا جابـك
وأنا أنتظر رجعتك عشـان ترضينـي
فتحت عيني وشفت الشوق متشابـك
يا ليتني ما فتحـت بغيبتـك عينـي
آخذك من عالـم الأحـزان وأرقابـك
وألقى عن الضيق بعيونك عناوينـي
يا آخر أحبـاب "خالـد" ويـن قفَابـك
وقتك وخلاك تلغـي راحـت سنينـي
لو ما سمعت أنت مغتابـي ومغتابـك
ما كان يقـدر يفـرق بينـك وبينـي
لكنْ غيض المشاعـر عنـي أقفابـك
وأنا الكرامه عـن المقفيـن تثنينـي
بيتٍ بقولـه وأبيـه يزيَن أكتابـك
عشان في غيبتـك عنَي تطرينـي
من غيري اللى بشعره كاسب أعجابك
واليوم من غبت طاح الشعر من عيني
وسلامتكم..
Home 
