يل اول سمه تمطر عليك نجوم
حتى تزيد لمعه اللمعة عيونك
ويل اول شمس تمطر عليك خيوط
من ضيها ومثلها يصير كل لونك
ويل اول كمر ينطيك كل النور
حتى بليل من نورك يعرفونك
صرت انت الورد والغصن والبستان
وانا الفلاح صرت بخضرة عيونك
صرتلك مطر ونزل بحر الكيض
وبذيج الضهاري احضن متونك
وخاف من الحسد كلش اخاف عليك
مو تدري البشر كلهم يحسدونك
لان انت زمرد وي عقيق وخاف
اكول عليك ياقوته ويخطفونك
ولان انت الهوى والخضره وانت الماي
ماتبعد عليه شمايبعدونك
بقلم
الظالمي
Home 
