تتشكل
بلون الحلم
مختارات من أشعار قطاشة العامية
" جنون"
عاجبني يا قمر لونك
عاجبني ف السما كونك
سكونك
لما بتغني
بيندهلي
يخونك سحر ف عيونك
و تسمحلي
في خلسه م الهوا
جفونك
بتفتحلي
بيبان حريه ف سجونك
مانا في الاصل مسجونك
في دنيا سجن من
دونك
يا حلم بعيد و عاجبني
و عاجبك اني مجنونك
" السلمة المكسورة"
كــرهت التوهــه في كلامي
في أحـــلامي
في أيــامي
كرهت السلمه
المكسورة قدامي
تكعبلني .. ترجعني لأصنامي
حروف ساكته
صور باهته
عقرب
الساعه الحرامي
يسرقني و يقرب يموت
و اللي باقي خيط رفيع
من جدار
العنكبوت
نقطه من حنفيه صدت
نازله ف الحوض الرخامي
" ما بين
وبين"
مــا بين كلمه جاهينيه
و بين غنــوة منير يــة
بحب ارتـاح ف
كراستي
و احب أسكن ف أغنيـة
مــا بين إحساس بيخنقني
و بين فرحــة
بتسرقني
افك زرار قميصي و اطير
اقع ف الحزن بالنية
مـــا بين كلمة
تبكيني
و بين نكته تضحكني
أنام ويا القمر أصحى
أدور ع الضيا فيا
مـــا
بين حلم ف سما شارد
و بين نجم السما البارد
اخاف م الحب و استنى
يقع قلبي
ف رجليا
مابين جنة ف خيال خالي
و بين خلوة زمن جالي
كلام شارد على
عودي
و انا عندي الغنا غيه
ما بين ذكرى من الماضي
و بين قلبي اللي فاض
فاضي
أفضي العمر من جيبي
و اموت فيكي بلا ديه
مــا بين فنجان وطن
ساده
و بين فنجان وطن مظبوط
بحب الشــاي على سطوحي
تدوب جــواه
معــانيا
و انا بيني و بين نفسي
تبان بين البينين شمسي
اشوفني فيكي
وانساني
مـــا بين اللحظه و
التانيه
** عن الشاعر
كريم قطاشة .. شاعر مصري
Home 
