السلام عليكم ورحمة الله وبركاته
اقدم اليكم جديدي وهذي القصيده يا طوال العمار
استشير فيها عضو من اعضاء منتدانا واتحفظ على اسمه ^_^
كل ما صكيت صندوق الظمير = جاه من هم الزمن ما يفتحه
وكل ما جاني من الفرحه غرير = جاه من غدر الردى ما يذبحه
وكل ما قلت ان حياة اليوم غير = هب حزني للتفاؤل يمسحه
كل يوم يبتدي عرض كبير = للحزن وعروق قلبي مسرحه
ما بقا بيدي سوى باقي الجفير = كسرت سود الحوادث الاسلحه
الوساوس قيد والملتاع طير = من ثلاث سنين قيده يجرحه
مابغيت افصح عن الوضع الخطير = غير للي بالشدايد مربحه
الكريم اللي غدا مثل السفير = للفضايل والفعول الراجحه
لا بغيت امدحه بالقاف الغزير = صار ذكره للقوافي ممدحه
هو ملاذي لا بدا اليوم العسير = من بعد من كل حي سبحه
خالد المنعور ما مثلك شوير = كل بحر للمعالي تسبحه
وين حل الوضع يا السيف الشطير = خبر اللي كل ضو تلفحه
خبر اللي كل ما جاه العصير = أرسل الونات والدمع اسفحه
كن دمعه لا بكى دمع الفقير = يحتضر طفله وفقره يكسحه
يرتكي همه على الضلع القصير = لين رجله بالفيافي تطرحه
عاشق والعشق ما حن الكسير = لا كسره البعد عيا يمنحه
يا كبر جيش على قلبه يغير = جيش غم كل فرح نزحه
جاك شرح الوضع يا القرم الخبير = يا رفيق كل صدر تشرحه
Home 
