هذي القصيده كتبتها مسبقا في شاعر المليون نسل الميامين
لمجرد احساسي انه هو من سيحقق اللقب والف مبروك
جابها الذيب وماخيب ضني
مبروك لك شاعر المليـــــــون
نواف من قلب اباركـــــــلك
انا ادري والغير بك يــدرون
ان اللقب لك ويلبقــــــــــلك
ماهي غريبه يجي وشلــــون
يجيبها شاعرن مثــــــــلك
ماهمك اللي رجع مـــن دون
يمه نويت ومشت رجــــلك
الشعر بسمك غدى مقـــرون
الق القصايد وانا اسمعـــلك
تراك مثل النجم بالكــــون
مدري القمر ويش يقربـــلك
بالشعر متعلق ومجنـــــون
كن الشعر دوم يندهــــــلك
معذور منهو غدى مفتـــون
من صار يقرا الشعر لجلك
الشهره خله تجي بالهـون
سر في دروبه على مهــلك
لانته بطالب ولامديـــــون
يبيك توزن لها عقــــــلك
شعار ياتون بالمضمــــــون
اجدادك اللي ترى قبـــلك
عتبان للمرجله يكفـــــون
والنعم بك والنعم باصــلك
اهل الكرم بالعهد يوفــون
اشلون واهل الوفاء اهـــلك
يستاهلك شاعر المليـــــون
حقن لي افرح واباركــــلك
Home 
