- الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة ياحرام ،، واحيانا تزيد وجبات اضافية اذا كانت المادة دسمة . - تقعد تسوي نفسها طفشانه وتعبانه وياربيه ماني قادرة اذاكر مدري وشفيني حاسة بكتمة يمه 00الظاهر احد قاري علي والا صاكني عين 000 تقعد امها تقول باسم الله عليك000 تعالي اقرا عليك يابنيتي00 كل هذا عشان اذا سقطت يقولون عين 00
- بعضهن ينزل عليها وسواس نظافة ايام الامتحانات تتروش الصبح والليل وتستشور شعرها كل مرة طبعا مايصير تخليه يخرب وبكره كيف تروح الجامعة والكتاب على جنب طبعا هذي من واجباتها اليومية ماتقدر تتركها عشان تذاكر مايصير0
- هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد وش تلبس من الحين 000لا وبعضهن ليلة الاختبار عند الخياطة رايحه تسوي بروفه 00 الله من قل الدبره بس0
وبعضهن تنزل عليها صلة الرحم فجأه تقوم تكلم وحده من صديقاتها القدام من زمان ماكلمتها 000تبي تشوف وش صار عليها وتشغلها عن المذاكره 00
وهذي تنزل عليها الشطارة فجأة تقوم تسوي العشا لاهلها00وتغسل الصحون عن الشغالة وتقولها اطلعي نامي انتي خلاص انا اكمل00
وهذي المسكينه اللي من قل الحيله توجع القلب لاقفلت معها قضبت المخده ونامت لين تصحى وتقول يوه راحت علي نومه00
وهذي ايام الامتحانات تنزل عليها حالات غريبه كل شوي مشتهيه اكله معينه وماتلقى السواق الا رايح جاي رايح جاي 00000يعني اذاكر 00وامها ايه يابنيتي وش تبين بس 000قال ايش تبي تساعدها عشان تفتح نفسها للمذاكرة وما تدري ان كل ذا هروب 000ذا النوع ماتنتهي الامتحانات الا وهي زايده 4 كيلو000
بتوفيق
آلاء هبة الرحمان
لمُسَــاهَمَـــاتْ : 683 العمر : 29 مزاج : تاريخ التسجيل : 01/08/2010
Home 
